കൊച്ചി: അടുത്ത സീസണില്‍ മികച്ച ടീമിനെ ഇറക്കണമെന്ന ലക്ഷ്യത്തോടെ കേരള ബ്ലാസ്റ്റേഴ്‌സ് താരങ്ങളെ ടീമിലെത്തിക്കുന്നത് തുടരുന്നു. മലയാളി താരമായ കെ.പി രാഹുല്‍, ഗോള്‍ കീപ്പര്‍ ബിലാല്‍ ഖാന്‍ എന്നിവരെ ഇതിനോടകം ബ്ലാസ്റ്റേഴ്‌സ് ടീമിലെത്തിച്ചിരുന്നു. ജംഷഡ്പുരില്‍ നിന്നുള്ള രണ്ട് താരങ്ങളെയാണ് ഇപ്പോള്‍ ബ്ലാസ്റ്റേഴ്‌സ് നോട്ടമിട്ടിരിക്കുന്നത്. ജംഷഡ്പുരിന്റെ മധ്യനിര താരം മരിയോ ആര്‍കസിനെയും ഫോര്‍വേഡ് സിഡോഞ്ചയെയുമാണ് താരങ്ങള്‍. ഇരുതാരങ്ങളുമായും ബ്ലാസ്റ്റേഴ്‌സ് മാനേജ്‌മെന്റ് അന്തിമ ചര്‍ച്ചയിലാണെന്നാണ് റിപ്പോര്‍ട്ടുകള്‍. ഇതില്‍ മരിയോ ആര്‍കസ് കേരള ബ്ലാസ്റ്റേഴ്‌സുമായി കരാറിലെത്തിയെന്നും വാര്‍ത്തയുണ്ട്.സ്പാനിഷ് താരമായ ആര്‍കസ് കഴിഞ്ഞ സീസണില്‍ 18 മത്സരങ്ങളിലും ജംഷഡ്പുരിനായി കളിച്ചിരുന്നു. താരത്തിന്റെ പേരില്‍ മൂന്ന് ഗോളുകളും കുറിച്ചിട്ടുണ്ട്.