ന്യൂഡല്‍ഹി: ജമ്മുകശ്മിരില്‍ പി.ഡി.പിയുമായി സഖ്യത്തിനില്ലെന്ന് കോണ്‍ഗ്രസ്. നിലവിലോ ഭാവിയിലോ അത്തരം സഖ്യത്തിനില്ലെന്ന് കോണ്‍ഗ്രസ് നേതാവ് ഗുലാം നബി ആസാദ് വ്യക്തമാക്കി. കശ്മരില്‍ സര്‍ക്കാര്‍ രൂപീകരിക്കാന്‍ കോണ്‍ഗ്രസ് നേതാക്കള്‍ പി.ഡി.പിയുമായി കൂടിക്കാഴ്ച നടത്തിയെന്ന വാര്‍ത്ത അദ്ദേഹം തള്ളി. സഖ്യത്തിനായി പി.ഡി.പി നേതാക്കളുമായി ചര്‍ച്ച നടത്തിയിട്ടില്ലെന്ന് അദ്ദേഹം മാധ്യമപ്രവര്‍ത്തകരോട് പറഞ്ഞു. 

ജമ്മുകശ്മിരിലെ രാഷട്രീയ നീക്കം ചര്‍ച്ച ചെയ്യാനായി കോണ്‍ഗ്രസ് നേതാക്കള്‍ ഇന്നലെ മുന്‍ പ്രധാനമന്ത്രി മന്‍മോഹന്‍ സിങ്ങിന്റെ വീട്ടില്‍ യോഗം ചേര്‍ന്നിരുന്നു. മുതിര്‍ന്ന നേതാക്കള്‍ യോഗത്തില്‍ പങ്കെടുത്തു