ശ്രികണ്ഠാപുരം: മാരക ലഹരി മരുന്നുകളുമായി മൂന്നു യുവാക്കള്‍ സ്വിഫ്റ്റ് കാര്‍ സഹിതം പിടിയില്‍. മയ്യില്‍ കയരളംമൊട്ടയിലെ കെ.പി ഹൗസിലെ തമീം, കൂത്തുപറമ്പ് പാറാല്‍ റുബീനാ മന്‍സിലില്‍ സുല്‍ത്താന്‍ ഹൈദരാലി, കൂത്തുപറമ്പ് കൈതേരി പാലം സജിന മന്‍സിലിലെ കെ.പി ജസില്‍ എന്നിവരെയാണു പിടികൂടിയത്.  3.460 ഗ്രാം എം.ഡി.എം.എ, 0.050 ഗ്രാം എല്‍.എസ്.ഡി, 15ഗ്രാം ഉണക്ക കഞ്ചാവ് എന്നിവയുമായാണ്ഇവരെ എക്‌സൈസ് സംഘം അറസ്റ്റ് ചെയ്തത്. കൂട്ടുപുഴ എക്‌സൈസ് ചെക്ക് പോസ്റ്റില്‍ എക്‌സൈസ് ഇന്‍സ്‌പെക്ടര്‍മാരായ പി. പ്രേമരാജന്‍, കെ. ഷാജി എന്നിവരുടെ നേതൃത്വത്തിലാണ് കണ്ണൂര്‍ ഇന്റലിജന്‍സ് ബ്യൂറോയും സംഘവും സംയുക്ത വാഹന പരിശോധന നടത്തുന്നതിനിടയില്‍ മാരുതി സ്വിഫ്റ്റ് കാറില്‍ നിന്നു പിടികൂടിയത്. ഇവര്‍ക്കെതിരേ എന്‍.ഡി.പി.എസ് ആക്ട് പ്രകാരം കേസെടുത്തു. കാറില്‍ രഹസ്യ അറയുണ്ടാക്കിയാണു ലഹരി വസ്തുക്കള്‍ കടത്തിയത്. ബാംഗ്ലൂരില്‍ നിന്നു വാങ്ങി കൂത്തുപറമ്പ്, കണ്ണൂര്‍ ഭാഗങ്ങളില്‍ ആവശ്യക്കാര്‍ക്ക് എത്തിച്ച് കൊടുക്കുകയാണിവര്‍. പി.ഒമാരായ ദിനേശന്‍, സുധീര്‍ പ്രജീഷ് കുന്നുമ്മല്‍, വിനോദന്‍, ദിലീപ്, അബ്ദുല്‍നിസാര്‍, സി.ഇ.ഒമാരായ കെ.സി ഷിബു, ടി.ഒ വിനോദ്, എം. ബിജേഷ്, സി.പി.ഒ ബിജു എന്നിവരും കൂടെ ഉണ്ടായിരുന്നു.