മനാമ: ബഹ്​റൈനിൽ കോവിഡ് കണക്കുകള്‍ റെക്കോര്‍ഡ് ഭേദിച്ചു മുന്നേറുന്നതായി റിപ്പോര്‍ട്ട്. പുതുതായി കൂടുതല്‍ പേര്‍ക്ക് രോഗ ബാധ സ്ഥിരീകരിച്ചെങ്കിലും അതിലേറെ പേര്‍ രാജ്യത്ത് രോഗമുക്തിയും നേടുന്നതായാണ് ബഹ്റൈന്‍ ആരോഗ്യ മന്ത്രാലയം പുറത്തുവിട്ട കണക്കുകള്‍ വ്യക്തമാക്കുന്നത്.

തിങ്കളാഴ്ച വൈകിട്ട് പ്രാദേശിക സമയം 4 മണിക്ക് മന്ത്രാലയം പുറത്തുവിട്ട കണക്കനുസരിച്ച് രാജ്യത്ത് പുതുതായി 654 പേര്‍ക്ക് രോഗ ബാധ സ്ഥിരീകരിച്ചു. ഇവരിൽ 314 പേർ പ്രവാസികളാണ്​. ഇതോടെ 5065 പേരാണ്​ ബഹ്റൈനിലിപ്പോള്‍ കോവിഡ് സ്ഥിരീകരിച്ച് ചികിത്സയിൽ കഴിയുന്നത്​.
അതേ സമയം 858 പേരാണ് രാജ്യത്ത് പുതുതായി രോഗമുക്തി നേടിയത്. ‌ഇതോടെ രാജ്യത്ത്​ രോഗമുക്തി നേടി ചികികിത്സായലങ്ങള്‍ വിട്ടവരുടെ എണ്ണം 10,326 ആയി ഉയർന്നു. ബഹ്റൈനിലിതുവരെ 374362 പേരെ കൊവിഡ് ചികിത്സക്ക് വിധേയമാക്കിയതായും ആരോഗ്യ മന്ത്രാലയം അറിയിച്ചു.