കല്‍പ്പറ്റ: ക്ഷയരോഗ നിര്‍മാര്‍ജനത്തിന് ജില്ലയില്‍ സമ്പൂര്‍ണ പൊതു സ്വകാര്യ പങ്കാളിത്തത്തിന് തുടക്കം കുറിച്ച് പൊതുജനാരോഗ്യ ജീവിത രീതിക്ക് തുടക്കമായി.
ആര്‍.എന്‍.ടി.സി.പിയുമായി ബന്ധപ്പെട്ട് സ്വകാര്യ ഹോസ്പിറ്റലുകളിലെ പ്രവര്‍ത്തനങ്ങള്‍ ഏകോപിപ്പിക്കാനുള്ള സംവിധാനമായ 'സ്റ്റെപ്‌സ്' ജില്ലയില്‍ നിലവില്‍ വന്നു. ജില്ലയിലെ 40ഓളം ആരോഗ്യ സ്ഥാപനങ്ങളിലെ സ്റ്റെപ്‌സ് സംവിധാനം സംസ്ഥാന തല ക്ഷയരോഗ ദിനാചരണത്തോടനുബന്ധിച്ച് കല്‍പ്പറ്റയില്‍ നടന്ന ചടങ്ങില്‍ ഇന്ത്യന്‍ മെഡിക്കല്‍ അസോസിയേഷന്‍ സംസ്ഥാന പ്രസിഡന്റ് ഡോ. എം.ഇ സുഗതന്‍ ഉദ്ഘാടനം ചെയ്തു. ചടങ്ങില്‍ എ.പി.സി.സി.എം സ്റ്റേറ്റ് പ്രസിഡന്റ് ഡോ. അമീര്‍ കെ.എ, ഇന്ത്യന്‍ മെഡിക്കല്‍ അസോസിയേഷന്‍ സ്റ്റേറ്റ് എന്‍ഡ് ടി.ബി കോഡിനേറ്റര്‍ ഡോ. ഭവന്‍ ശങ്കര്‍, സ്റ്റേറ്റ് ടി.ബി ഓഫിസര്‍ ഡോ. സുനില്‍ കുമാര്‍, ഡോ. ഷിബു ബാലകൃഷ്ണന്‍, വേള്‍ഡ് ഹെല്‍ത്ത് ഓര്‍ഗനൈസേഷന്‍ ടി.ബി കണ്‍സള്‍ട്ടന്റ് ഡോ. പി.എസ് രാഗേഷ് ചര്‍ച്ചകള്‍ക്ക് നേതൃത്വം നല്‍കി. തുടര്‍ന്ന് ജൂനിയര്‍ കണ്‍സള്‍ട്ടന്റ് ടി.ബി സ്‌പെഷലിസ്റ്റ് ഡോ. സക്കീര്‍ ഹുസൈന്‍, സ്റ്റേറ്റ് പി.പി.എം ലീഡ് രാഗേഷ് രാമചന്ദ്രന്‍ ക്ലാസെടുത്തു. ജില്ലാ ടി.ബി ഓഫിസര്‍ ഡോ. സി. ഷുബിന്‍ സ്വാഗതവും ഡോ. മിഥുന്‍ രാജീവ് നന്ദിയും പറഞ്ഞു.