ഇരിട്ടി: ജനശ്രീ ഇരിട്ടി ബ്ലോക്ക് യൂണിയന്റെ ആഭിമുഖ്യത്തില്‍ കലോത്സവം17 കീഴൂര്‍ വാഴുന്നവേഴ്‌സ് യു.പി സ്‌കൂളില്‍ 19ന് നടക്കും. രാവിലെ 10 മണിക്കു ആരംഭിക്കുന്ന കലോത്സവം ജില്ലാ കോണ്‍ഗ്രസ് അധ്യക്ഷന്‍ സതീശന്‍ പാച്ചേനി ഉദ്ഘാടനം ചെയ്യും.
സംഘാടക സമിതി ചെയര്‍മാന്‍ തോമസ് വര്‍ഗ്ഗിസ് അധ്യക്ഷനാകും. വൈകുന്നേരം മൂന്നു മണിക്കു നടക്കുന്ന സമാപന സമ്മേളനം അഡ്വ. സണ്ണി ജോസഫ് എം.എല്‍.എ ഉദ്ഘാടനം ചെയ്യും. ജനശ്രീ ജില്ലാ മിഷന്‍ ചെയര്‍മാന്‍ ചന്ദ്രന്‍ തില്ലങ്കേരി സമ്മാനദാനം നിര്‍വഹിക്കും. സാമൂഹ്യ, രാഷ്ട്രീയ സാംസ്‌കാരിക രംഗത്തെ പ്രമുഖര്‍ സംസാരിക്കും. വാര്‍ത്താസമ്മേളനത്തില്‍ ഭാരവാഹികളായ തോമസ് വര്‍ഗിസ്, ബാലന്‍ പടിയൂര്‍, മേഴ്‌സി തുരുത്തേല്‍, ജോസഫ് ആഞ്ഞിലിത്തോപ്പില്‍, പി കുഞ്ഞികൃഷ്ണന്‍, പി.കെ ഓമന, എ.വൈ ജോസഫ് തുടങ്ങിയവര്‍ പങ്കെടുത്തു.