മട്ടന്നൂര്‍: നിയന്ത്രണം വിട്ട സ്വകാര്യബസ് വൈദ്യുതി തൂണിലിടിച്ചു നിന്നു. മട്ടന്നൂര്‍-ഇരിട്ടി റൂട്ടിലെ ഉളിയില്‍ കുന്നിറക്കത്തില്‍ ഇന്നലെ വൈകുന്നേരം അഞ്ചുമണിക്കാണ് അപകടം.
ഇരിട്ടിയില്‍ നിന്നു കണ്ണൂരിലേക്ക് വരികയായിരുന്ന ബസാണ് അപകടത്തില്‍പ്പെട്ടത്. യാത്രക്കാര്‍ പരുക്കേല്‍ക്കാതെ രക്ഷപ്പെട്ടു. കെ.എസ്.ടി.പി റോഡ് പണി നടക്കുന്നതിനാല്‍ റോഡിന്റെ ഒരു ഭാഗത്തൂകൂടെ മാത്രമാണ് വാഹനങ്ങള്‍ കടത്തിവിടുന്നത്.
ഇതുമൂലം മിക്ക വാഹനങ്ങളും ഏറെ പണിപ്പെട്ടാണ് ഈ വഴിയിലൂടെ യാത്ര ചെയ്യന്നത്. എന്നാല്‍ ബസുകളുടെ അമിത വേഗതകാരണം മറ്റു വാഹനയാത്രക്കാര്‍ അപകടഭീതിയിലാണ്.
കെ.എസ്.ഇ.ബി ജീവനക്കാര്‍ വൈദ്യുതി തൂണ്‍ മാറ്റി സ്ഥാപിച്ചതിനു ശേഷമാണ് ഈ റൂട്ടില്‍ ഗതാഗതം പുന: സ്ഥാപിച്ചത്.