ന്യൂഡല്‍ഹി: രാജ്യത്തെ സ്‌കൂളുകള്‍ തുറക്കുക ഓഗസ്റ്റ് 15ന് ശേഷമെന്ന് കേന്ദ്ര മാനുഷിക വിഭവ ശേഷി മന്ത്രാലയം. കൊവിഡ് വ്യാപനത്തിന്റെ അപ്പോഴത്തെ സാഹചര്യം വിലയിരുത്തിയായിരിക്കും തീരുമാനമെടുക്കുകയെന്നും മന്ത്രാലയം വ്യക്തമാക്കി. രാജ്യത്തെ സ്‌കൂളുകളും കോളജുകളും മാര്‍ച്ച് 16 മുതല്‍ അടച്ചിട്ടിരിക്കുകയാണ്. കേന്ദ്ര ആരോഗ്യ മന്ത്രാലയത്തിന്റെയും ആഭ്യന്തര മന്ത്രാലത്തിന്റെയും നിര്‍ദേശ പ്രകാരമായിരിക്കും സ്‌കൂള്‍ തുറക്കുന്നത് സംബന്ധിച്ച തീരുമാനമെടുക്കുക.