തളിപ്പറമ്പ്: സാന്ത്വന പ്രവര്‍ത്തനവുമായി ഡി.വൈ.എഫ്.ഐ പ്രവര്‍ത്തകര്‍ പട്ടുവം അഗതി മന്ദിരത്തില്‍. ഡി.വൈ.എഫ്.ഐ ഏഴോം ഈസ്റ്റ് മോഖലാ കമ്മറ്റിയുടെ നേതൃത്വത്തിലാണ് പട്ടുവം സെന്റ് ജോസഫ് സെന്റര്‍ ഫോര്‍ ദി ഡിസേബിള്‍ഡ് അഗതി മന്ദിരത്തില്‍ സാന്ത്വനസ്പര്‍ശവുമായെത്തിയത്. മേഖല കമ്മിറ്റിയുടെ നേതൃത്വത്തില്‍ അന്തേവാസികള്‍ക്ക് ഉച്ചഭക്ഷണം, വസ്ത്രങ്ങള്‍, അഗതി മന്ദിരത്തിലേക്ക് ടെലിവിഷന്‍ എന്നിവ വിതരണം ചെയ്തു.
 ഡി.വൈ.എഫ്.ഐ സംസ്ഥാന സെക്രട്ടറി എം. സ്വരാജ് ഉദ്ഘാടനം ചെയ്തു.
പി.വി സമീഷ് അധ്യക്ഷനായി. ജില്ലാ പ്രസിഡന്റ് എം. ഷാജര്‍, എം.വി രാജീവന്‍, പയ്യരട്ട മോഹനന്‍, സിസ്റ്റര്‍ ഗില്‍ബര്‍ഡ്, സിസ്റ്റര്‍ റോസ്‌വിന്റ, അനൂപ്, കെ. സന്ദീപ്, എം. സജീവന്‍ സംസാരിച്ചു. തുടര്‍ന്ന് മുള്ളൂല്‍ നാട്ടുകൂട്ടം പ്രവര്‍ത്തകരുടെ കലാപരിപാടികളും അരങ്ങേറി.