റിയാദ്: സഊദിയില്‍ ആശുപത്രി ജീവനക്കാര്‍ക്ക് കൊവിഡ് വൈറസ് ബാധ കണ്ടെത്തിയതിനെ തുടര്‍ന്ന് ആശുപത്രി അടച്ചുപൂട്ടി. ആശുപത്രിയിലെ 31 ജീവനക്കാരെ ഐസൊലേഷനില്‍ പ്രവേശിപ്പിക്കുകയും ചെയ്തിട്ടുണ്ട്.
ദമാമിലെ സ്വകാര്യ ആശുപത്രിയാണ് അധികൃതര്‍ അടച്ചുപൂട്ടിയത്. ആശുപത്രിയുമായി ബന്ധപ്പെട്ട് നിരവധി വൈറസ് കേസുകള്‍ റിപ്പോര്‍ട്ട് ചെയ്യപ്പെട്ടതിനെ തുടര്‍ന്നാണ് നടപടിയെന്ന് കിഴക്കന്‍ പ്രവിശ്യ ആരോഗ്യ മന്ത്രാലയ ഡയരക്ടറേറ്റ് വ്യക്തമാക്കി.
ഔട്ട്‌പേഷ്യന്റ് വിഭാഗം, അത്യാഹിത വിഭാഗം അടക്കം ആശുപത്രിയിലെ മുഴുവന്‍ വിഭാഗങ്ങളും നിര്‍ത്തലാക്കിയിട്ടുണ്ട്.