കൊല്ലം: കൊട്ടിയത്ത് തടിമില്ലിന് തീപിടിച്ച് 60 ലക്ഷത്തിന്റെ നഷ്ടം. ഇന്നു പുലര്‍ച്ചെ നാലിനായിരുന്നു പറക്കുളം അല്‍മനാമ പമ്പിനു സമീപം ബഷീറിന്റെ മില്ലിന് തീപിടിച്ചത്. ജില്ലയില്‍ നിന്നുള്ള പത്തോളം ഫയര്‍ഫോഴ്‌സ് യൂനിറ്റുകള്‍ ഒന്നരമണിക്കൂര്‍ സമയമെടുത്തായിരുന്നു തീയണച്ചത്. തീപിടിച്ചു കത്തിയ മേല്‍ക്കുരയിലെ ഇരുമ്പു ഷീറ്റുകള്‍ പ്രദേശത്തേക്കു പറന്നു വ്യാപിച്ചത് രക്ഷാപ്രവര്‍ത്തനത്തെ ബാധിച്ചിരുന്നു. മില്ലിലെ വലിയ തടികളെല്ലാം കത്തിനശിച്ചു. തീപിടുത്തത്തിന്റെ കാരണം വ്യക്തമല്ല.