നിലമ്പൂര്‍ ഗവ. കോളജ് പൂക്കോട്ടുംപാടത്ത് പ്രവര്‍ത്തനം തുടങ്ങി

backup

July 03 2018 | 05:07 AM

%e0%b4%a8%e0%b4%bf%e0%b4%b2%e0%b4%ae%e0%b5%8d%e0%b4%aa%e0%b5%82%e0%b4%b0%e0%b5%8d%e2%80%8d-%e0%b4%97%e0%b4%b5-%e0%b4%95%e0%b5%8b%e0%b4%b3%e0%b4%9c%e0%b5%8d-%e0%b4%aa%e0%b5%82%e0%b4%95%e0%b5%8d-2

കരുളായി: നിലമ്പൂര്‍ മണ്ഡലത്തിലെ ഗവ. കോളജ് പൂക്കോട്ടുംപാടത്ത് പ്രവര്‍ത്തനമാരംഭിച്ചു. രാവിലെ 11ഓടെ സ്‌പെഷല്‍ ഓഫിസര്‍ സലാഹുദ്ദീന്‍ കോളജില്‍ പ്രവേശനം നേടിയ വിദ്യാര്‍ഥികളെ ക്ലാസിലിരുത്തി ഹാജര്‍ രേഖപെടുത്തിയതോടെ കോളജില്‍ ക്ലാസ് ആരംഭിച്ചു. ബി.എസ്.സി ജ്യോഗ്രഫി, ബി.കോം, ബി.എ മലയാളം എന്നീ വിഷയങ്ങളിലായി 80 വിദ്യാര്‍ഥികളാണ് പ്രവേശനം നേടിയത്. കോളജില്‍ ആദ്യമായെത്തിയ വിദ്യാര്‍ഥികളെ അമരമ്പലത്തെ പൗരാവലി സ്വീകരിച്ചത്. വിപുലമായ രീതിയില്‍ സംഘടിപ്പിച്ച പ്രവേശനോത്സവം അമരമ്പലം പഞ്ചായത്ത് പ്രസിഡന്റ് സി.സുജാത ഉദ്ഘാടനം ചെയ്തു. കണ്‍വീനര്‍ പി. ശിവാത്ന്മജന്‍, ഇ. പത്മാക്ഷന്‍, വി. കെ അനന്തകൃഷ്ണന്‍, പി. ടി മോഹന്‍ദാസ്, വി. പി അബ്ദുല്‍ കരീം, അഷറഫ് മുണ്ടശ്ശേരി, കെ.സി വേലായുധന്‍, ആര്‍.ശ്രീരംഗനാഥന്‍, കരുമത്തില്‍ രാജ്‌മോഹന്‍, അന്‍വര്‍ സാദത്ത് കൈനോട്ട്, എം.കുഞ്ഞിമുഹമ്മദ്, നസീര്‍ബാബു പന്തപ്പുലാന്‍, തുടങ്ങി വിവിധ രാഷ്ട്രീയപാര്‍ട്ടി പ്രതിനിധികള്‍, പഞ്ചായത്ത് അംഗങ്ങള്‍, സന്നദ്ധ സംഘടനകള്‍,ക്ലബ് പ്രവര്‍ത്തകര്‍, വ്യാപാരികള്‍ തുടങ്ങിയവര്‍ നവാഗതരെ സ്വാഗതം ചെയ്ത് സംസാരിച്ചു. കോളേജ് സ്‌പെഷ്യല്‍ ഓഫിസര്‍ സി .ടി സലാഹുദ്ദീന്‍ റിപ്പോര്‍ട്ട് അവതരിപ്പിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."