കല്‍പ്പറ്റ: കെ.എസ്.ആര്‍.ടി.സി ബസ്സിടിച്ചു മധ്യവയസ്കന്‍  മരിച്ചു. കണ്ണൂർ ആറളം ഫാമിലെ കുഞ്ഞിരാമന്‍റെ മകന്‍ പണിയന്‍ ബാലനാണ് മരിച്ചത്. ഇന്നലെ രാത്രി പത്ത് മണിയോടെ ബത്തേരി മാനിക്കുനിയില്‍ വെച്ചാണ് അപകടമുണ്ടായത്.

കോഴിക്കോട്ടേക്കുള്ള ബസ്സില്‍ പുല്‍പ്പള്ളിയില്‍ നിന്നും കയറി മീനങ്ങാടിക്ക് ടിക്കറ്റെടുത്ത ഇയാള്‍ ബത്തേരി മാനിക്കുനിയില്‍ ഇറങ്ങുകയായിരുന്നു. ഇതിനിടെ ബസ്സ് മുന്നോട്ടെടുത്തപ്പോള്‍ നിലത്തു വീണ ഇയാള്‍ ബസ്സിനടയില്‍ പെടുകയും പിന്‍ ചക്രം ദേഹത്തൂടെ കയറി ഇറങ്ങുകയായിരുന്നു. മൃതദേഹം ബത്തേരിയിലെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.