വടക്കാഞ്ചേരി: ഉത്രാളി പൂരം വടക്കാഞ്ചേരി വിഭാഗം പൂരംസുവനീര്‍ പുറത്തിറങ്ങി. അമേരിക്കന്‍ വ്യവസായിയും വടക്കാഞ്ചേരി വിഭാഗം മുഖ്യ രക്ഷാധികാരിയുമായ സലിന്‍.കെ.ശങ്കര്‍ ചീഫ് എഡിറ്റര്‍ പി.എന്‍ രാജന് ആദ്യ കോപ്പി നല്‍കി പ്രകാശനം ചെയ്തു.
ദേശ കമ്മിറ്റി പ്രസിഡന്റ് ടി.ജി അശോകന്‍ അധ്യക്ഷനായി. സെക്രട്ടറി സി.എ ശങ്കരന്‍ കുട്ടി, പൂരം ചീഫ് കോ-ഓഡിനേറ്റര്‍ സേതുമാധവന്‍ പൂക്കുന്നത്ത്, വിവിധ ദേശ കമ്മിറ്റി ഭാരവാഹികളായ ടി.പി പ്രഭാകര മേനോന്‍, കടമ്പാട്ട് ഗോപാലകൃഷ്ണന്‍, തുളസി കണ്ണന്‍, കാഞ്ഞൂര്‍ ഉണ്ണികൃഷ്ണന്‍, പി.എന്‍ ഗോകുലന്‍, ഡോ: നാരായണന്‍, വേണുഗോപാല്‍ ചക്കാമലയത്ത് പങ്കെടുത്തു.