ആനക്കര: സമസ്ത പ്രസിഡന്റായിരുന്ന ആനക്കര സി. കോയക്കുട്ടി മുസ്‌ലിയാര്‍ സ്മാരക അവാര്‍ഡിന് പ്രമുഖ പണ്ഡിതന്‍ മാണുര്‍ ദഅ്‌വ കോളജ് പ്രിന്‍സിപ്പാള്‍ എം.വി ഇസ്മാഈല്‍ മുസ്‌ലിയാര്‍ കുമരനല്ലുരിനെ തെരഞ്ഞെടുത്തു.
ഇസ്‌ലാമിക പ്രബോധന മേഖലയില്‍ സേവനങ്ങള്‍ പരിഗണിച്ചാണ് തെരഞ്ഞടുത്തത്.
എപ്രില്‍ ഒന്നിന് വൈകിട്ട് ഏഴിന് നടക്കുന്ന ആനക്കര മഖാം മൂന്നാമത് ഉറൂസില്‍ സമസ്ത കേന്ദ്ര മുശാവറ അംഗവും പാലക്കാട് ജില്ലാ പ്രസിഡന്റുമായ താജുസ്സാദാത്ത് സയ്യിദ് കെ.പി.സി തങ്ങള്‍ വല്ലപ്പുഴ അവാര്‍ഡ് ഇസ്മാഈല്‍ മുസ്‌ലിയാര്‍ക്ക് കൈമാറും. യോഗത്തില്‍ ബശീര്‍ ഫൈസി ആനക്കര, കാസിം ഫൈസി പോത്തനൂര്‍, റഷീദ് ഫൈസി പുക്കരത്തറ, അബ്ദുല്‍ ഖാദിര്‍ ഫൈസി തലക്കശ്ശേരി, ഹംസ ബാഖവി പടിഞ്ഞാറങ്ങാടി, റഫീഖ് അന്‍വരി പന്താവൂര്‍, മെയ്തീന്‍ കുട്ടി ഹസനി സി എം ഇബ്രാഹീം നൂര്‍ ഫൈസി ആനക്കര സംബന്ധിച്ചു.