ന്യൂയോര്‍ക്ക്: ഗൂഗിള്‍ മാപ് ഇനിമുതല്‍ ഉപയോക്താക്കള്‍ക്ക് കൊവിഡ് വ്യാപനവുമായി ബന്ധപ്പെട്ട് ഏര്‍പ്പെടുത്തിയ യാത്രാ നിയന്ത്രണങ്ങളെ കുറിച്ച് മുന്നറിയിപ്പ് നല്‍കും. യാത്രകള്‍ ആസൂത്രണം ചെയ്യാന്‍ ഇത് സഹായിക്കുമെന്ന് ഗൂഗിള്‍ പറയുന്നു.
ഒരു പ്രദേശത്തെ റെയില്‍വേ സ്റ്റേഷന്‍ നിശ്ചിത സമയത്ത് എത്രത്തോളം ജനസാന്ദ്രമാണെന്നും ബസുകള്‍ കൃത്യമായ ഷെഡ്യൂളനുസരിച്ച് ഓടുന്നുണ്ടോയെന്നും അറിയാന്‍ മാപ് അപ്‌ഡേറ്റ് സഹായിക്കും. ഇന്ത്യയുള്‍പ്പെടെ കൊവിഡ് സാരമായി ബാധിച്ച രാജ്യങ്ങളില്‍ ഈ സേവനം ലഭ്യമാവുമെന്ന് ഗൂഗിള്‍ അറിയിച്ചു.
കൊവിഡ് പരിശോധനാ കേന്ദ്രങ്ങള്‍, ദേശീയ അതിര്‍ത്തികളിലെ നിയന്ത്രണങ്ങള്‍ എന്നിവയും ഗൂഗിള്‍ മാപ്പിലൂടെ അറിയാന്‍ സാധിക്കും.