കല്‍പ്പറ്റ: വാഴവറ്റയില്‍ ആദിവാസി യുവതി ബസ് കാത്തിരിപ്പു കേന്ദ്രത്തില്‍ പ്രസവിച്ചു. വാഴവറ്റ പാലക്കാട്ടുക്കുന്ന് കോളനിയിലെ അനൂപിന്റെ ഭാര്യ ദിവ്യ (24) ആണ് ആണ്‍കുഞ്ഞിന് നല്‍കിയത്. ഇന്നലെ വൈകിട്ട് ഏഴോടെയായിരുന്നു സംഭവം. ബന്ധുവീട്ടിലേക്കുള്ള യാത്രാ മധ്യേയാണ് യുവതി പ്രസവിക്കുന്നത്. കോളനിയില്‍ നിന്ന് ബസ് കാത്തിരിപ്പു കേന്ദ്രത്തില്‍ നടന്നുവരുമ്പോള്‍ വേദന അനുഭവപെടുകയായിരുന്നു. കൂടെ ഭര്‍ത്താവ് അനൂപും അമ്മ ജാനുവും ഉണ്ടായിരുന്നു. ദിവ്യയെ പിടിച്ചിരുത്താന്‍ ശ്രമിക്കുന്നതിനിടെ കുഴഞ്ഞ് വീഴുകയും നിലത്ത് പ്രസവിക്കുകയുമായിരുന്നു. ഇതു ശ്രദ്ധയില്‍ പെട്ട നഴ്‌സായ യുവതി സഹായത്തിന് ഓടിയെത്തി വാഹനം സംഘടിപ്പിച്ച് കല്‍പ്പറ്റ ജനറല്‍ ആശുപത്രിയില്‍ എത്തിക്കുകയായിരുന്നു.