കരുളായി: കരുളായി ഉള്‍വനത്തിലെ ചോലനായിക്കരായ ഗുഹാവാസികള്‍ താമസിക്കുന്ന മാഞ്ചീരിയിലേക്കുള്ള വന പാതയില്‍ മരം കടപുഴകി വീണു. ഉള്‍വനത്തിനുള്ളിലെ വിവിധ അളകളില്‍ കഴിയുന്ന ചോലനായിക്കര്‍ റോഷന്‍ അടക്കമുള്ള സാധനങ്ങള്‍ വാങ്ങാന്‍ ബുധനാഴ്ച്ചകളില്‍ മാഞ്ചീരി കോളനിയിലെത്താറാണു പതിവ്. ഇവിടേക്കു പോയ വാഹനത്തിനു മുന്‍പിലേക്കാണ് ദൈവംതാങ്ങിക്കു സമീപത്ത് വെച്ച് വന്‍ മരം കടപുഴകി വീണത്. കോളനിയിലേക്ക് റേഷന്‍ വിതരണത്തിനു പോയ ഐ.ടി.ഡി.പിയുടെയും ചോലനായിക്കര്‍ക്കായി പോഷകാഹാരം പാകം ചെയ്യാന്‍ പോയ മഹിള സമഖ്യയുടെയും ആയൂര്‍വേദ മെഡിക്കല്‍ യൂനിറ്റിന്റേയും പൊലിസിന്റേയും വന സംരക്ഷണ സമിതിയുടെയും സപ്ലൈകോയുടെയും വാഹനം മരം വീണതിനാല്‍ വഴിയില്‍ കുടുങ്ങി. ശേഷം നിലമ്പൂരില്‍ നിന്നും ഫയര്‍ ഇന്‍സ്‌പെക്ടര്‍ മൂസ വടക്കേതിലിന്റെ നേതൃത്വത്തിലുള്ള ഫയര്‍ യൂനിറ്റ് എത്തി മരം മുറിച്ചു നീക്കിയ ശേഷം പന്ത്ര@ോടെയാണ് വാഹനങ്ങള്‍ കടന്നു പോയത്. സംഘം ര@ോടെയാണ് മാഞ്ചീരിയിലെത്തിയത്.