മലപ്പുറം: സമസ്ത  കേരളം ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ മദ്‌റസ അധ്യയന വര്‍ഷാരംഭത്തോടനുബന്ധിച്ച് സംസ്ഥാന വ്യാപകമായി സംഘടിപ്പിക്കുന്ന മിഹ്‌റജാനുല്‍ ബിദായ പ്രവേശനോത്സവത്തിന്റെ ജില്ലാതല ഉദ്ഘാടനം ഇന്ന് അങ്ങാടിപ്പുറം പാറപ്പറമ്പ്  ഹിദായത്തുല്‍ മുഅ്മിനീന്‍ ഹയര്‍സെക്കന്‍ഡറി മദ്‌റസയില്‍ നടക്കും. സമസ്ത കേരള സുന്നി  ബാലവേദി മലപ്പുറം ഈസ്റ്റ് ജില്ലാ കമ്മിറ്റി സംഘടിപ്പിക്കുന്ന പരിപാടിയില്‍ സമസ്ത ജനറല്‍  സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ പുതുപഠിതാക്കള്‍ക്ക് ആദ്യാക്ഷരം  കുറിച്ചു നല്‍കും.  നേരറിവ് നല്ല നാളേക്ക് എന്ന പ്രമേയത്തില്‍ സംഘടിപ്പിക്കുന്ന  പ്രവേശനോത്സവ ക്യാംപയിനിന്റെ ഭാഗമായി മതവിദ്യ ബോധവത്കരണം, റിലീഫ്  പ്രവര്‍ത്തനങ്ങള്‍ തുടങ്ങി വിവിധ പരിപാടികള്‍ നടക്കും. ഉദ്ഘാടന സംഗമത്തില്‍  എസ്.കെ.ജെ.എം ജില്ലാ ട്രഷറര്‍ ഷമീര്‍ ഫൈസി ഒടമല, സല്‍മാന്‍ ഫൈസി, മുസ്തഫ അന്‍വരി  വേങ്ങൂര്‍, വി.എം ജുനൈദ് മേലാറ്റൂര്‍, കെ.പി സഫറുദ്ദീന്‍, സയ്യിദ് സദഖത്തുള്ള തങ്ങള്‍,  അംജിദ് തിരൂര്‍ക്കാട്, ഫവാസ് കരിങ്കല്ലത്താണി തുടങ്ങിയവര്‍ സംബന്ധിക്കും.