ന്യൂഡല്‍ഹി: അതിര്‍ത്തി തര്‍ക്കത്തില്‍ ഇന്ത്യയുമായ സമവായത്തിലെത്തിയെന്ന് ചൈന. അതിര്‍ത്തി തര്‍ക്കം സംബന്ധിച്ച് സൈനിക തലത്തിലും നയതന്ത്ര തലത്തിലും ഇരു രാജ്യങ്ങളുെ തമ്മില്‍ ചര്‍ച്ചകള്‍ നടത്തുന്നുണ്ടെന്ന് ചൈനീസ് വിദേശകാര്യ മന്ത്രാലയ വക്താവ് ഹുവാ ചുന്‍യുങ് വ്യക്തമാക്കി.

അതിര്‍ത്തിയിലെ സംഘര്‍ഷാവസ്ഥ കുറയ്ക്കുന്നതിനായി ശ്രമിക്കുന്നുണ്ടെന്നും അദ്ദേഹം പറഞ്ഞു. കഴിഞ്ഞ ദിവസം കിഴക്കന്‍ ലഡാക്കിലെ ഗാല്‍വന്‍ താഴ്‌വര, പാംഗോങ് തടാകം എന്നിവിടങ്ങളില്‍നിന്ന് ചൈനീസ് സൈന്യം രണ്ടര കിലോമീറ്റര്‍ പിന്‍വാങ്ങിയിരുന്നു. ഇതിനെ തുടര്‍ന്ന് ഇന്ത്യന്‍ സൈന്യവും പിന്‍വലിഞ്ഞിരുന്നു.