ജയ്പൂര്‍:കൊവിഡ് കേസുകള്‍ ക്രമാതീതമായി കൂടുന്ന സാഹചര്യത്തില്‍ ഇതര സംസ്ഥാനങ്ങളില്‍ നിന്നെത്തുന്നവര്‍ക്ക് നിയന്ത്രണമേര്‍പ്പെടുത്തുമെന്ന് രാജസ്ഥാന്‍.

ഏഴു ദിവസത്തേക്കാണ് നിയന്ത്രണം. നിലവില്‍ കൊവിഡ് ബാധിതരുടെ എണ്ണത്തില്‍ രാജ്യത്ത് അഞ്ചാം സ്ഥാനത്താണ് രാജസ്ഥാന്‍.

ഇന്ന് 123 പേര്‍ക്ക് കൊവിഡ് സ്ഥിരീകരിച്ചതോടെ ആകെ കൊവിഡ് രോഗികളുടെ എണ്ണം 11,368 ആയി. ഇതുവരെ 256 പേരാണ് മരിച്ചത്. ഈ സാഹചര്യത്തിലാണ് കര്‍ശന നിയന്ത്രണമേര്‍പ്പെടുത്താന്‍ ഒരുങ്ങുന്നത്.

ജില്ലാ മജിസ്‌ട്രേറ്റിന്റെയോ ജില്ലാ പൊലിസ് മേധാവിയുടെയോ എന്‍.ഒ.സി ഉള്ളവരെ മാത്രമേ സംസ്ഥാനത്ത് പ്രവേശിപ്പിക്കുകയുള്ളൂവെന്ന് ഡി.ജി.പി പറഞ്ഞു.