തുറവൂര്‍: റെയില്‍വേ ക്വാര്‍ട്ടേഴ്‌സില്‍ മുന്തിരിവള്ളികള്‍ കായ്ച്ചുതുടങ്ങി.
തുറവൂര്‍ റെയില്‍വേ സ്റ്റേഷന് തെക്ക് ഭാഗത്തുള്ള ക്വാര്‍ട്ടേഴ്‌സിലാണ് ഗേറ്റ്മാന്‍മാരായ ബിജു, വിനിത, ബിനിഷ്, ജിതിഷ് എന്നിവരുടെ പരിചരണത്താല്‍ മുന്തിരിവള്ളികള്‍ കായ്ച്ചത്. രണ്ട് വര്‍ഷം മുമ്പാണ് തേനിയില്‍ നിന്നും ബിജു മുന്തിരിച്ചെടി കൊണ്ടുവന്നത്.
പത്തോളം ചെറുതും വലതുമായ മുന്തിരിക്കുലകള്‍ ഇതിനോടകം ഉണ്ടായി.
പഴുത്ത മുന്തിരി ജീവനക്കാര്‍ ശേഖരിച്ച് എല്ലാവര്‍ക്കും വിതരണം ചെയ്തു. കഴിഞ്ഞ വര്‍ഷവും ഇതേസമയത്ത് മുന്തിരിച്ചെടികള്‍ കായ്ച്ചിരുന്നു.