തുറവൂര്‍: കുത്തിയതോട് പഞ്ചായത്ത് സോളാര്‍ ഹൈമാസ്റ്റ് വിളക്കുകള്‍ സ്ഥാപിച്ചതുടങ്ങി. 7,95,000 രൂപ ചെലവഴിച്ചാണ് വിളക്കുകള്‍ സ്ഥാപിക്കുന്നത്.
സോളാര്‍ പാനല്‍ ഉപയോഗിച്ചുള്ള വിളക്കുകളായതിനാല്‍ വൈദ്യുതി മുടക്കം പ്രവര്‍ത്തനത്തെ ബാധിക്കുകയില്ല. തുറവൂര്‍ റെയില്‍വേ സ്റ്റേഷന്‍ എന്‍.സി.സി റോഡ്, എന്‍.സി.സി, അമാല്‍ഗം കവല, നാലുകുളങ്ങര പാട്ടുകുളങ്ങര റോഡ്, കെ.പി കവല, തുറവൂര്‍ ചാവടി റോഡ്, ടി.ഡി കവല എന്നിവിടങ്ങളിലാണ് വിളക്കുകള്‍ സ്ഥാപിക്കുന്നത്.
രാത്രി കാലങ്ങളില്‍ വിളക്കുകളില്ലാത്തതിനാല്‍ തെരുവ് നായ്ക്കള്‍, ഇഴജന്തുക്കള്‍ എന്നിവയുടെ ശല്യം ജനങ്ങളെ ഭീതിയിലാക്കിയിരുന്നു.
ഏറെ നാളത്തെ ജനകീയാവശ്യത്തെ തുടര്‍ന്നാണ് ഈ പദ്ധതി നടപ്പാക്കുന്നതെന്ന് ഗ്രാമപഞ്ചായത്ത് പ്രസിഡന്റ് പ്രേമരാജപ്പന്‍ പറഞ്ഞു.