തിരുവനന്തപുരം: കെ.എസ്.ആര്‍.ടി.സിയിലെ എം പാനല്‍ ജീവനക്കാരായ കണ്ടക്ടര്‍മാര്‍ സമരത്തിന് നോട്ടിസ് നല്‍കി. എം പാനല്‍ കൂട്ടായ്മ നേതാക്കളാണ് ഇന്നലെ ഗതാഗത മന്ത്രി എ.കെ ശശീന്ദ്രനും കെ.എസ്.ആര്‍.ടി.സി എം.ഡി എം.പി ദിനേശിനും നോട്ടിസ് നല്‍കിയത്.
എം പാനല്‍ കൂട്ടായ്മ സംസ്ഥാന പ്രസിഡന്റ് എസ്.ഡി ജോഷിയും ജനറല്‍ സെക്രട്ടറി എം. ദിനേഷ് ബാബുവും ഉള്‍പ്പെട്ട സംഘമാണ് ഇന്നലെ ഉച്ചയ്ക്ക് മന്ത്രിയുമായും എം.ഡിയുമായും ചര്‍ച്ച നടത്തിയത്. യാത്രാ പാസിന്റെ കാര്യത്തില്‍ ചര്‍ച്ചയില്‍ തീരുമാനമായിട്ടില്ല.