കണ്ണൂര്‍:  സര്‍വകലാശാലയിലെ നാഷണല്‍ സര്‍വിസ് സ്‌കീം ചേരുന്ന ഓരോ വളണ്ടിയര്‍ക്കും ഇതാദ്യമായി വര്‍ക്ക് ഡയറി നല്‍കുന്നു. എന്‍.എസ്.എസ് യൂനിറ്റുകള്‍ 'ഓണത്തിനൊരുവീട്' എന്ന പദ്ധതിയില്‍ ഇപ്രാവശ്യം രണ്ട് വീട് നിര്‍മിച്ചു നല്‍കും. ഓരോ യൂനിറ്റിനും 5,000 രൂപ വീതം സമാഹരിച്ച് വീട് നിര്‍മിക്കുന്ന യൂനിറ്റിനു നല്‍കുകയും ബാക്കി വരുന്നതുക വീട് നിര്‍മിക്കുന്ന യൂനിറ്റ് കണ്ടെത്തുകയുമാണ് ചെയ്യുക. പച്ചക്കറി നട്ട് പരിപാലിക്കുന്നതിനായി സര്‍വകലാശാലയിലെ 80 യൂനിറ്റുകള്‍ക്കും 100 വീതം ഗ്രോബാഗുകള്‍ തയാറാക്കി നല്‍കാന്‍ സി.പി.സി.ആര്‍.ഐ സന്നദ്ധത പ്രകടിപ്പിച്ചിട്ടുണ്ട്. എന്‍.എസ്.എസ് അഡൈ്വസറി കമ്മിറ്റി യോഗത്തില്‍ പ്രൊ.വൈസ് ചാന്‍സലര്‍ ഡോ.ടി അശോകന്‍, രജിസ്ട്രാര്‍ ഡോ.ബാലചന്ദ്രന്‍ കീഴോത്ത്, ഡോ.എസ് പ്രദീപ് കുമാര്‍, ഷാജി ജോസ്, ജി.പി സജിത്ത് ബാബു, ഐ.വി സോമന്‍, കെ ബാലചന്ദ്രന്‍, കെ.പി മുഹമ്മദ് പങ്കെടുത്തു.