തൊടുപുഴ: ജില്ലാ നെറ്റ്‌ബോള്‍ അസോസിയേഷന്റെ ആഭിമുഖ്യത്തില്‍ തൊടുപുഴ കോതായിക്കുന്ന് ബൈപാസ് റോഡിന് സമീപം കുരുവിനാക്കുന്നേല്‍ മൈതാനത്ത് വേനല്‍ക്കാല നെറ്റ്‌ബോള്‍ പരിശീലന കളരി ആരംഭിച്ചു. മുനിസിപ്പല്‍ വൈസ് ചെയര്‍മാന്‍ ടി കെ സുധാകരന്‍നായര്‍ പരിപാടി ഉദ്ഘാടനം ചെയ്തു. ജില്ലാ നെറ്റ്‌ബോള്‍ അസോസിയേഷന്‍ പ്രസിഡന്റ് എന്‍ രവീന്ദ്രന്‍ ചടങ്ങില്‍ അധ്യക്ഷനായി.
ഷെറി മാത്യു, സാജന്‍ പോള്‍, എയ്ഞ്ചല്‍ ജോര്‍ജ്ജ് എന്നിവര്‍ സംസാരിച്ചു. ജില്ലാ നെറ്റ്‌ബോള്‍ അസോസിയേഷന്‍ ഭാരവാഹികളായ ഷാജി കെ ഫ്രാന്‍സിസ് സ്വാഗതവും സന്ദീപ് സെന്‍ നന്ദിയും പറഞ്ഞു.