ജിദ്ദ: തായിഫില്‍ നടക്കുന്ന പന്ത്രണ്ടാമത് സൂഖ് ഉക്കാദ് മേളയിലേക്ക് സന്ദര്‍ശക പ്രവാഹം തുടരുന്നു. സഊദി ടൂറിസം-പുരാവസ്തു വകുപ്പിനു കീഴില്‍ നടക്കുന്ന മേള മക്കാ ഗവര്‍ണര്‍ അമീര്‍ ഖാലിദ് അല്‍ഫൈസല്‍ ആണ് ഉദ്ഘാടനം ചെയ്തത്. 

വ്യത്യസ്തങ്ങളായ നൂറിലധികം പരിപാടികളാണ് ഇത്തവണ മേളയില്‍ ഒരുക്കിയിരിക്കുന്നത്. മേള 13വരെ നീണ്ടുനില്‍ക്കും. സഊദി അറേബ്യയിലെ ഏറ്റവും വലിയ സാംസ്‌കാരിക പരിപാടികളിലൊന്നായ ഉക്കാദ് മേള തായിഫില്‍ ജൂണ്‍ 27നാണ് ആരംഭിച്ചത്.
വൈവിധ്യമാര്‍ന്ന കലാ-സാംസ്‌കാരിക വിനോദ പരിപാടികളും പ്രദര്‍ശനങ്ങളും പരമ്പരാഗത കലാ-കായിക മത്സരങ്ങളും സമ്മേളനങ്ങളും ശില്‍പശാലകളുമാണ് മേളയില്‍ നടക്കുന്നത്. മേളയുടെ മേല്‍നോട്ടം സഊദി ടൂറിസം പുരാവസ്തു വകുപ്പിനെ ഏല്‍പിച്ചതിനു ശേഷമുള്ള രണ്ടാമതെ മേള എന്ന പ്രത്യേകത കൂടി ഈ വര്‍ഷമുണ്ട്.