തേഞ്ഞിപ്പലം: മദ്‌റസാ അധ്യാപന, അധ്യയന രംഗവും റെയ്ഞ്ച് - ജില്ലാ പ്രവര്‍ത്തനങ്ങളും സജീവമാക്കുന്നതിന്റെ ഭാഗമായി സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ സംഘടിപ്പിക്കുന്ന സാരഥീസംഗമം 18ന് രാവിലെ 10 മണിക്ക് കാസര്‍കോട് ജില്ലയിലെ ചെര്‍ക്കള ഹൈമാക്‌സ് ഓഡിറ്റോറിയത്തില്‍ നടക്കും. സാരഥീസംഗമത്തിലും പഠനക്യാംപിലും റെയ്ഞ്ച് പ്രസിഡന്റ്, സെക്രട്ടറി, പരീക്ഷാ ബോര്‍ഡ് ചെയര്‍മാന്‍, ട്രഷറര്‍, റെയ്ഞ്ച് മദ്‌റസാ മാനേജ്‌മെന്റ് അസോസിയേഷന്‍ പ്രസിഡന്റ്, സെക്രട്ടറി എന്നിവര്‍ നിര്‍ബന്ധമായും പങ്കെടുക്കണമെന്ന് കൗണ്‍സില്‍ യോഗം ബന്ധപ്പെട്ടവരോട് അഭ്യര്‍ഥിച്ചു.

ചേളാരി മുഅല്ലിം പ്രസ് ഓഡിറ്റോറിയത്തില്‍ ചേര്‍ന്ന സംസ്ഥാന എക്‌സിക്യൂട്ടീവ് കൗണ്‍സിലില്‍ എം.എം മുഹ്‌യിദ്ദീന്‍ മുസ്‌ലിയാര്‍ ആലുവ അധ്യക്ഷനായി. ഡോ. ബഹാഉദ്ദീന്‍ മുഹമ്മദ് നദ്‌വി, മൊയ്തീന്‍ മുസ്‌ലിയാര്‍ പുറങ്ങ്, കൊടക് അബ്ദുറഹിമാന്‍ മുസ്‌ലിയാര്‍, അബ്ദുല്ല മാസ്റ്റര്‍ കൊട്ടപ്പുറം, വാക്കോട് മൊയ്തീന്‍കുട്ടി ഫൈസി, മോയിന്‍കുട്ടി മാസ്റ്റര്‍ മുക്കം, കെ.കെ ഇബ്‌റാഹീം മുസ്‌ലിയാര്‍ കോഴിക്കോട്, എം.എ ചേളാരി, സയ്യിദ് ഹുസൈന്‍ തങ്ങള്‍ കാസര്‍കോട്, അബ്ദുസ്സമദ് മുട്ടം കണ്ണൂര്‍, എ.എം. ശരീഫ് ദാരിമി നീലഗിരി, പി. ഹസന്‍ മുസ്‌ലിയാര്‍ വണ്ടൂര്‍, പി ഹസൈനാര്‍ ഫൈസി കോഴിക്കോട്, കെ.എല്‍ ഉമര്‍ ദാരിമി മംഗലാപുരം, എ.ആര്‍ ശറഫുദ്ദീന്‍ ബാഖവി തിരുവനന്തപുരം, അബ്ദുല്‍ ഖാദര്‍ അല്‍ ഖാസിമി മലപ്പുറം, ഹുസൈന്‍കുട്ടി പുളിയാട്ടുകുളം, സി .മുഹമ്മദലി ഫൈസി മണ്ണാര്‍ക്കാട്, വി.എം ഇല്യാസ് ഫൈസി തൃശൂര്‍, അബ്ദുസമദ് ദാരിമി എറണാകുളം, പി.ഇ മുഹമ്മദ് ഫൈസി തൊടുപുഴ സംസാരിച്ചു.