കോഴിക്കോട്: ദേശീയ സബ് ജൂനിയര്‍ ഫുട്‌ബോള്‍ ടൂര്‍ണമെന്റില്‍ ഇന്നലെ നടന്ന ആദ്യ മത്സരത്തില്‍ മേഘാലയ നാല് ഗോളിന് ഡല്‍ഹിയെ പരാജയപ്പെടുത്തി. മേഘാലയക്ക് വേണ്ടി 36, 41 മിനുട്ടുകളില്‍ ഫെയര്‍ലിസ്റ്റാര്‍ സൂട്ടിങ് ഇരട്ട ഗോളുകളും 69ാം മിനുട്ടില്‍ ഡമൈത്പാങ് ലിംഗ്‌ദോയും 81ാം മിനുട്ടില്‍ ഡമന്‍ബാ കര്‍ത്തങ്്‌മോയും ഓരോ ഗോളുകളും സ്‌കോര്‍ ചെയ്തു.
വൈകിട്ട് നടന്ന മത്സരത്തില്‍ നിലവിലെ ജേതാക്കളായ ബംഗാള്‍ എതിരില്ലാത്ത അഞ്ച് ഗോളിന് തമിഴ്‌നാടിനെ പരാജയപ്പെടുത്തി. ബംഗാളിന് വേണ്ടി 17, 90 മിനുട്ടുകളില്‍ മാനവ് മല്ലിക്കും 25ാം മിനുട്ടില്‍ ആകാശ് ആരോവും 67ാം മിനുട്ടില്‍ സജല്‍ ഭാഗും 81ാം മിനുട്ടില്‍ എം ഡി ഓഷിം അലിയും ഗോളുകള്‍ സ്‌കോര്‍ ചെയ്തു. ഇന്ന് രാവിലെ നടക്കുന്ന മത്സരത്തില്‍ മിസോറം മധ്യപ്രദേശിനേയും കേരളം ഉത്തര്‍പ്രദേശിനേയും നേരിടും.