ലണ്ടന്‍: മിഡ്ഡ്ല്‍സ്‌ബ്രോയെ പരാജയപ്പെടുത്തി ആഴ്‌സണല്‍ ഇംഗ്ലീഷ് പ്രീമിയര്‍ ലീഗില്‍ ആറാം സ്ഥാനത്തേക്ക് കയറി. ഒന്നിനെതിരേ രണ്ടു ഗോളുകള്‍ക്കാണ് ഗണ്ണേഴ്‌സ് വിജയം പിടിച്ചത്. 42ാം മിനുട്ടില്‍ അലക്‌സിസ് സാഞ്ചസിന്റെ ഗോളില്‍ ആഴ്‌സണല്‍ ലീഡെടുത്തെങ്കിലും രണ്ടാം പകുതിയുടെ തുടക്കത്തില്‍ മിഡ്ഡ്ല്‍സ്‌ബ്രോ സമനില പിടിച്ചു. 71ാം മിനുട്ടില്‍ മെസുറ്റ് ഓസില്‍ ആഴ്‌സണലിന് വിജയ ഗോള്‍ സമ്മാനിക്കുകയായിരുന്നു.