കക്കട്ടില്‍: സി.പി.എം 'ലോക്കലില്‍ ഒരു വീട് ' പദ്ധതിക്ക് സ്വരുക്കൂട്ടിയ തുക നല്‍കി വിദ്യാര്‍ഥിനി മാതൃകയായി. വട്ടോളി നാഷനല്‍ ഹയര്‍ സെക്കന്‍ഡറി ഒന്‍ന്‍പതാം ക്ലാസ് വിദ്യാര്‍ഥിനി ദീപ്ത വിനോദാണ് കാരുണ്യ പ്രവര്‍ത്തനത്തില്‍ പങ്കാളിയായത്. മൊകേരിയിലെ കെ.ടി വിനോദിന്റെയും ഷിദയുടെയും മകളാണ് ദീപ്ത. തുക ജില്ലാ സെക്രട്ടറി പി. മോഹനന് കൈമാറി. വീടിന്റെ നിര്‍മാണ പ്രവൃത്തി ഉദ്ഘാടനവും പി. മോഹനന്‍ നിര്‍വഹിച്ചു. പി. നാണു അധ്യക്ഷനായി. കുന്നുമ്മല്‍ ഏരിയാ സെക്രട്ടറി കെ.കെ സുരേഷ്, കെ. ഗനീഷ്, പി.സി ബാലന്‍, എന്‍.പി കമല, പി. വിനോദന്‍, എസ്.പി വിജയല്‍, എന്‍.പി വാസു സംസാരിച്ചു.