ബദിയടുക്ക: നെക്രാജെയിലും പരിസര പ്രദേശങ്ങളിലും ഉണ്ടായ ചുഴലിക്കാറ്റില്‍ നാശം സംഭവിച്ച കുടുംബങ്ങള്‍ക്ക് മതിയായ നഷ്ട പരിഹാരം നല്‍കണമെന്ന് മുസ്‌ലിം ലീഗ് കാസര്‍കോട് നിയോജക മണ്ഡലം സെക്രട്ടറി മാഹിന്‍ കേളോട്ട് ആവശ്യപ്പെട്ടു.
പതിനഞ്ചോളം വീടുകളും തെങ്ങ്, കവുങ്ങ്, വാഴ തുടങ്ങിയവയുള്ള ഏക്കര്‍ കണക്കിനു കൃഷി സ്ഥലങ്ങളും ചുഴലിക്കാറ്റില്‍ നശിച്ചിരിക്കുകയാണ്. വൈദ്യുതിയും താറുമാറായിട്ടുണ്ട്. ലക്ഷക്കണക്കിനു രൂപയുടെ നാശ നഷ്ടമാണ് സംഭവിച്ചിരിക്കുന്നത്.
സര്‍ക്കാര്‍ അടിയന്തിരമായി  ഇടപ്പെട്ട് നഷ്ടം സംഭവിച്ച കുടുംബങ്ങള്‍ക്ക് സാമ്പത്തിക സഹായം അനുവദിക്കണമെന്ന് റവന്യൂ മന്ത്രിക്കു നല്‍കിയ നിവേദനത്തില്‍ ആവശ്യപ്പെട്ടു.