ചെറുവത്തൂര്‍: ചെറുവത്തൂര്‍ റെയില്‍വേ സ്റ്റേഷനു സമീപം ബൈക്ക് ഉപേക്ഷിച്ച നിലയില്‍. ഇവിടെയുള്ള പഴയ കെട്ടിടത്തിന് സമീപത്താണ് കെ.എല്‍ 60 ബി 8896 എന്ന നമ്പറിലുള്ള ടി.വി.എസ് ബൈക്ക് ഉപേക്ഷിച്ച നിലയില്‍ കണ്ടെത്തിയത്. നാലുമാസത്തോളമായി ബൈക്ക് ഇവിടെ തന്നെയാണെന്നും ഉടമസ്ഥരാരും ഇതുവരെയായും വന്നിട്ടില്ലെന്നും പ്രദേശത്തെ വ്യാപാരികള്‍ പറഞ്ഞു. താക്കോലും ഹെല്‍മറ്റും ബൈക്കില്‍ തന്നെയുണ്ട്. ബൈക്ക് അന്വേഷിച്ച് ഇതുവരെയാരും എത്താതിരുന്നത് ദുരൂഹത പടര്‍ത്തിയിരിക്കുകയാണ്. വിവരമറിയിച്ചതിനെ തുടര്‍ന്ന് ചന്തേര പൊലിസ് ഉടമസ്ഥനെ  അന്വേഷിച്ച് വരികയാണ്.