ദമാം: സഊദിയിൽ സ്‌പോൺസറുടെ രണ്ടു മക്കളെ കുത്തി കൊലപ്പെടുത്താൻ ശ്രമിച്ച ഫിലിപ്പിനോ വീട്ടു ജോലിക്കാരിയെ പോലീസ് അറസ്‌റ്റ് ചെയ്‌തു. കിഴക്കൻ സഊദിയിലെ ഖഫ്‌ജി ഗവര്ണറേറ്റിൽ ഇന്നലെയാണ് സംഭവം. രണ്ടു കുട്ടികളിൽ ഒരാൾ അതീവ ഗുരുതരാവസ്ഥയിലാണെന്ന് അധികൃതർ അറിയിച്ചു. കുട്ടികളെ കൊലപ്പെടുത്താൻ ശ്രമം നടത്തിയ ശേഷം സ്വയം കുത്തി പരിക്കേൽപിച്ചും ഷോക്കേൽപ്പിച്ചും യുവതി ആത്മഹത്യാ ശ്രമം നടത്തുകയും ചെയ്‌തു. കുട്ടികളെ കൊലപ്പെടുത്താനുള്ള ശ്രമത്തോടെയാണ് യുവതി കത്തി കൊണ്ട് മാരകമായി കുത്തി പരിക്കേൽപ്പിച്ചത്. തുടർന്നായിരുന്നു ആത്മഹത്യാ ശ്രമം.

    ഏഴു മാസം മുമ്പ് ഇവിടെ സ്വദേശിയുടെ വീട്ടിൽ ജോലിക്കെത്തിയ യുവതിക്ക് മാനസിക പ്രശ്‍നങ്ങൾ ഒന്നും തന്നെയിലായിരുന്നുവെന്നാണ് റിപ്പോർട്ടിൽ സൂചിപ്പിക്കുന്നത്. വീട്ടുകാരുമായി നല്ല ബന്ധമാണ് ഉണ്ടായിരുന്നതെന്നും റിപ്പോർട്ടിൽ വ്യക്തമാക്കി. സംഭവത്തിൽ അന്വേഷണം ആരംഭിച്ചിട്ടുണ്ട്.