താമരശ്ശേരി: കോഴിക്കോട് മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്‍ കൊടുവള്ളിയിലും ബാലുശ്ശേരിയിലും പര്യടനം നടത്തി.
ഇന്നലെ രാവിലെ കട്ടിപ്പാറ കാരുണ്യ തീരം, കിഴക്കോത്ത് ഗോള്‍ഡന്‍ ഹില്‍ കോളജ്, നരിക്കുനി ബൈത്തുല്‍ ഇസ്സ, കൊടുവള്ളി ബി.എഡ് കോളജ്, ടി.ടി.ഐ കൊടുവള്ളി, ടി.ടി.സി കൊടുവള്ളി എന്നിവിടങ്ങളിലെത്തിയ എം.കെ രാഘവനെ വിദ്യാര്‍ഥികളും അധ്യാപകരും സ്വീകരിച്ചു. സി.ടി ഭരതന്‍, ഹബീബ് തമ്പി, എം.എ ഗഫൂര്‍, എം.എം വിജയകുമാര്‍, സുലൈമാന്‍ മാഷ്, പ്രേംജി ജെയിംസ്, അനില്‍ ജോര്‍ജ്, ശശിധരന്‍ മാഷ് സ്ഥാനാര്‍ഥിയെ അനുഗമിച്ചു.ഉച്ചക്കു ശഷം ബാലുശ്ശേരി മണ്ഡലത്തിലെത്തിയ രാഘവന്‍ ഗാഥ കോളജ്, ഇശാഅത്ത് പബ്ലിക് സ്‌കൂള്‍, മര്‍ക്കസ് ഗാര്‍ഡന്‍ എന്നിവക്ക് പുറമെ പുനൂര്‍ ദേശീയ ആയുര്‍വേദിക്ക് ഫാര്‍മസി ഫാക്ടറിയിലെത്തി തൊഴിലാളികളെ സന്ദര്‍ശിച്ച് വോട്ടഭ്യര്‍ഥിച്ചു. മുസ്‌ലിം ലീഗ് ജില്ലാ സെക്രട്ടറി നാസര്‍ എസ്റ്റേറ്റ് മുക്ക്, പഞ്ചായത്ത് പ്രസിഡന്റ് ഇ.ടി ബിനോയ്. യു.ഡി.എഫ് നേതാക്കളായ കെ. ഉസ്മാന്‍ മാസ്റ്റര്‍, കെ.കെ നാസര്‍ മാസ്റ്റര്‍, കെ.കെ ബാലകൃഷ്ണന്‍ മാസ്റ്റര്‍, സി.പി കരീം മാസ്റ്റര്‍, പി. സുധാകരന്‍, യു.കെ അബ്ദുറഹിമാന്‍ സ്ഥാനാര്‍ഥിയെ അനുഗമിച്ചു.