കല്‍പ്പറ്റ: നായ്‌ക്കെട്ടി നിരപ്പത്ത് ഒറ്റത്തേക്കില്‍ ജല അതോറിറ്റിയുടെ പൈപ്പ് പൊട്ടിയതിനെ തുടര്‍ന്ന് കുടിവെള്ളം പാഴാകുന്നു.
ഒട്ടേറെ തവണ ജല അതോറിറ്റി അധികൃതരെ വിവരം അറയിച്ചിട്ടും പൊട്ടിയ പൈപ്പ് നന്നാക്കുന്നതിനുള്ള നടപടികള്‍ സ്വീകരിച്ചില്ലെന്ന് പ്രദേശ വാസികള്‍ അരോപിച്ചു. കടുത്ത വേനലില്‍ ജനം വെള്ളത്തിനായി വലയുമ്പോഴാണ് കുടിവെള്ളം പാഴാകുന്നത്.
വെള്ളം ഗണ്യമായി പോകുന്നതിനാല്‍ വലിയ ഗര്‍ത്തമാണ് ഇവിടെ രൂപപ്പെട്ടിട്ടുള്ളത്. ജില്ലയില്‍ മാത്രമല്ല സംസ്ഥാനത്താകെ കൊടും വരള്‍ച്ചയും അസഹ്യമായ രീതിയില്‍ ചൂടും നിലനില്‍ക്കുമ്പോഴും ജനം കുടിവെള്ളത്തിനായി നെട്ടോട്ടമോടുകയും ചെയ്യുന്ന ഇത്തരമൊരു സാഹചര്യത്തലാണ് വാട്ടര്‍ അതോറിറ്റിയുടെ ഇത്തരത്തിലുള്ള അവഗണന തുടരുന്നത്. ദിവസങ്ങളോളമായി കുടിവെള്ള പൈപ്പ് വന്‍ തോതില്‍ വെള്ളം പാഴായിട്ടും അറ്റകുറ്റ പണികള്‍ നടത്താന്‍ പോലും അധികൃതര്‍ തയാറാവുന്നല്ലെന്നതാണ് ആക്ഷേപം ഉയരുന്നത്.