വളാഞ്ചേരി: വര്‍ത്തമാന കാലസാഹചര്യത്തില്‍ പൊതുസമൂഹം അഭിമുഖീകരിക്കുന്ന വെല്ലുവിളികള്‍ നേരിടാന്‍ മൂല്യാധിഷ്ഠിത വിദ്യാഭ്യാസത്തിന് മാത്രമെ കഴിയൂ എന്ന് ഇ.ടി. മുഹമ്മദ് ബഷീര്‍ എം.പി. വളാഞ്ചേരി എം.ഇ.എസ് കെ.വി.എം കോളജില്‍ അലിഗഡ് മുസ്‌ലിം യൂനിവേഴ്‌സിറ്റിയും കേന്ദ്ര മാനവ വിഭവശേഷി മന്ത്രാലയവും കേരള പ്രിന്‍സിപ്പല്‍സ് കൗണ്‍സിലിന്റെ സഹകരണത്തോടെ പ്രിന്‍സിപ്പല്‍മാര്‍ക്കായി സംഘടിപ്പിച്ച ത്രിദിന ദേശീയ നേതൃത്വ പരിശീലന ശില്‍പശാല ഉദ്ഘാടനം ചെയ്യുകയായിരുന്നു അദ്ദേഹം.
ഭൗതിക സാഹചര്യങ്ങള്‍, അക്കാദമിക് നിലവാരം എന്നിവ മെച്ചപ്പെടുത്തുന്നതോടൊപ്പം വിദ്യാഭ്യാസത്തില്‍ ധാര്‍മിക മൂല്യങ്ങള്‍ ഏര്‍പ്പെടുത്തുന്നതിനെ കുറിച്ച് കൂടി സര്‍വകലാശാലകളും കോളജുകളും ചിന്തിക്കേണ്ട സമയം അതിക്രമിച്ചു, അദ്ദേഹം പറഞ്ഞു. ദേശീയതലത്തില്‍ 51-ാം റാങ്ക് നേടിയ വളാഞ്ചേരി എം.ഇ.എസ് കെ.വി.എം കോളജിനെ അദ്ദേഹം അഭിനന്ദിച്ചു.
കേരള പ്രിന്‍സിപ്പല്‍സ് കൗണ്‍സില്‍ പ്രസിഡന്റ് ഡോ. എം. ഉസ്മാന്‍ അധ്യക്ഷനായി. ഡോ. പി മുഹമ്മദലി, ഡോ. പര്‍വേഷ് താലിബ്, ഡോ. എന്‍.എം മുജീബ് റഹ്മാന്‍, പ്രൊഫ. കെ.പി ഹസ്സന്‍, പ്രൊഫ. ഇ.പി ഇമ്പിച്ചിക്കോയ സമാപിച്ചു.