ഗൂഡല്ലൂര്‍: രേഖകളില്ലാതെ കടത്തിയ 5.50 ലക്ഷം രൂപ പിടികൂടി. കേരളത്തില്‍ നിന്ന് ഊട്ടിയിലേക്ക് വരികയായിരുന്ന കാറില്‍ നിന്നാണ് ഫ്‌ളൈയിങ് സ്‌ക്വാഡ് അധികൃതര്‍ പണം പിടികൂടിയത്. നാടുകാണി ചെക്‌പോസ്റ്റിലും ദേവാല കൊല്ലിയില്‍ നിന്നും വിവിധ വാഹനങ്ങളില്‍ നിന്നായി 1.17 ലക്ഷം രൂപയും പിടിച്ചെടുത്തിട്ടുണ്ട്.  പിടികൂടിയ പണം ഗൂഡല്ലൂര്‍ ആര്‍.ഡി.ഒ കാര്യാലയത്തിലേക്ക് മാറ്റി. തെരഞ്ഞെടുപ്പ് പ്രഖ്യാപനം നിലവില്‍ വന്ന സാഹചര്യത്തില്‍ ജില്ലയില്‍ അധികൃതര്‍ പരിശോധന ശക്തമാക്കിയിരിക്കുകയാണ്.  ഇതിനകം ജില്ലയുടെ വിവിധ ഭാഗങ്ങളില്‍ നിന്നായി ലക്ഷങ്ങളാണ് ഇത്തരത്തില്‍ പിടിച്ചെടുത്തത്. വരും ദിവസങ്ങളില്‍ പരിശോധന ശക്തമാക്കുമെന്ന് അധികൃതര്‍ അറിയിച്ചു.