മാനന്തവാടി: അടുക്കും ചിട്ടയുമായ പ്രവര്‍ത്തനം വഴി ജില്ലയിലെ കോണ്‍ഗ്രസ് പാര്‍ട്ടിയേയും പ്രവര്‍ത്തകരേയും സജ്ജമാക്കുന്നതിന്റെ ഭാഗമായി എടവക മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ നേതൃതല കേഡര്‍ ടീം സംഗമം നടന്നു.
ഡി.സി.സി പ്രസിഡന്റ് ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. ഡി.സി.സി ജനറല്‍ സെക്രട്ടറി കമ്മന മോഹനന്‍ അധ്യക്ഷനായി. എം.ഐ ഷാനവാസ് എം.പി മുഖ്യപ്രഭാഷണം നടത്തി. എ.ഐ.സി.സി അംഗം പി.കെ ജയലക്ഷ്മി, എന്‍.ഡി അപ്പച്ചന്‍, കെ.എല്‍ പൗലോസ്, എം. വേണുഗോപാല്‍, എച്ച്.ബി പ്രദീപ് മാസ്റ്റര്‍, എം.ജി ബിജു, കെ.ജെ പൈലി, ടി ഉഷാകുമാരി, ജോര്‍ജ് പടകൂട്ടില്‍, മുതുവോടന്‍ ഇബ്രാഹിം സംസാരിച്ചു.
കേരള മെഡിക്കല്‍ എന്‍്ട്രന്‍സ് പരീക്ഷയില്‍ ഉന്നത വിജയം നേടിയ എടവക കാരക്കുനി വീട്ടിച്ചാല്‍ വീട്ടില്‍ അബ്ദുള്‍ സലാം ഹാജിറ ദമ്പതികളുടെ മകന്‍ വി ഇജാസ് മുഹമ്മദിനെ ആദരിച്ചു.