ശ്രീനഗര്‍: ജമ്മുകശ്മിരില്‍ ഇന്നലെ രാത്രിയിലുണ്ടായ മണ്ണിടിച്ചിലില്‍ അമര്‍നാഥ് യാത്രാസംഘത്തിലെ അഞ്ചു പേര്‍ കൊല്ലപ്പെട്ടു. മൂന്ന് പേര്‍ക്ക് പരുക്കേറ്റു. അമര്‍നാഥിലേക്കുള്ള പാതയില്‍ റയില്‍പത്രിയ്ക്കും ബ്രാരിമാര്‍ഗിനും ഇടയ്ക്കാണ് സംഭവമുണ്ടായത്. മരിച്ചവരെ തിരിച്ചറിഞ്ഞിട്ടില്ല. മരിച്ചവരില്‍ നാലു പുരുഷന്മാരും ഒരു സ്ത്രീയുമാണുള്ളത്.

മൃതദേഹം ആശുപത്രിയിലേക്ക് മാറ്റി. സംഭവസ്ഥലത്തെ റോഡില്‍ നിന്ന് മണ്ണ് നീക്കം ചെയ്യാനുള്ള ശ്രമങ്ങള്‍ ആരംഭിച്ചതായി സുരക്ഷാ ഉദ്യോഗസ്ഥര്‍ അറിയിച്ചു.