കോഴിക്കോട്: വിദ്യാഭ്യാസ രംഗത്ത് അല്‍ബിര്‍ സ്‌കൂളുകള്‍ നിര്‍വഹിക്കുന്ന പങ്ക് മഹത്തരമാണെന്ന് അല്‍ബിര്‍ ചെയര്‍മാന്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി. നേരറിവിന്റെ കളിവീട് എന്ന പ്രമേയത്തില്‍ സ്റ്റേ@ഹോം, പ്ലേ@ഹോം എന്ന പേരില്‍ വിദ്യാര്‍ഥികള്‍ക്ക് വീടുകളില്‍ ആരംഭിച്ച നിര്‍മാണാത്മക പഠനപ്രവര്‍ത്തനങ്ങളുടെ സംസ്ഥാന തല പ്രവേശനോത്സവം ഓണ്‍ലൈനിലൂടെ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

 ഉമര്‍ ഫൈസി മുക്കം അധ്യക്ഷത വഹിച്ച ചടങ്ങില്‍ അബ്ദുസമദ് പൂക്കോട്ടുര്‍ മുഖ്യ പ്രഭാഷണം നടത്തി. കെ. മോയിന്‍കുട്ടി മാസ്റ്റര്‍, ഡോ. കെ.വി മുഹമ്മദ്, ഫൈസല്‍ ഹുദവി പരതക്കാട്  ആശംസാ പ്രസംഗം നടത്തി. കാസര്‍കോട് കെംസ് അല്‍ബിര്‍ വിദ്യാര്‍ഥിനി ഫാത്തിമത്തു സുഹറ ഖിറാഅത്ത് നിര്‍വഹിച്ചു. എ.ഡി കെ.പി മുഹമ്മദ് സ്വാഗതവും കോഡിനേറ്റര്‍ ഇസ്മായില്‍ മുജദ്ദിദി നന്ദിയും പറഞ്ഞു.

രക്ഷിതാക്കള്‍ക്കും അധ്യാപികമാര്‍ക്കും പ്രത്യേക പരിശീലനം നല്‍കിയും ശാസ്ത്രീയമായി ഫീഡ്ബാക്കുകള്‍ എടുത്തുമാണ് രക്ഷിതാക്കളിലൂടെ വീടുകളില്‍ പഠനം സാധ്യമാക്കുന്നത്.