പൂഞ്ഞാര്‍: സ്‌കൂളിന് സമീപം നിരോധിത ലഹരി ഉല്‍പ്പന്നമായ ഹാന്‍സ് വില്‍പ്പന നടത്തിയയാളെ പിടികൂടി. സ്‌കൂള്‍ കുട്ടികള്‍ക്കും മറ്റും വില്‍പ്പന നടത്തുന്നതിനായി ഹാന്‍സ് പാക്കറ്റുകള്‍ കടയില്‍ സൂക്ഷിച്ച നടൂപറമ്പില്‍ രാജുവിനെയാണ് പൂഞ്ഞാറിലെ കടയില്‍നിന്നു പിടികൂടിയത്.
പൂഞ്ഞാര്‍ സെന്റ് ആന്റണീസ് ഹയര്‍സെക്കന്‍ഡറി സ്‌കൂളിന് സമീപത്തെ സ്റ്റേഷനറികടയില്‍ നിന്നുമാണ് ഹാന്‍സ് പിടികൂടിയത്. കടയില്‍ സൂക്ഷിച്ചിരുന്ന 16 പാക്കറ്റ് ഹാന്‍സും പിടിച്ചെടുത്തു.
ഈരാറ്റുപേട്ട എസ്.ഐ അനുരാഗ് എം. എച്ച്, സി.പി.ഒ ഷെഫീക്ക്, സെന്‍സാഫ് അംഗമായ എ.എസ്.ഐ ജയ്‌മോന്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്.