നീലേശ്വരം: ഡി.വൈ.എഫ്.ഐ നീലേശ്വരം ഒന്ന് മേഖലാ കമ്മിറ്റിയുടെ നേതൃത്വത്തില്‍ നടന്ന ഭാസ്‌കര കുമ്പള അഖിലേന്ത്യാ ഇന്‍വിറ്റേഷന്‍ കബഡി ഫെസ്റ്റില്‍ വന്ദന കാര്യങ്കോട് ജേതാക്കളായി. സംഘചേതന കുതിരക്കോടിനാണ് രണ്ടാം സ്ഥാനം. മത്സരങ്ങള്‍ എം രാജഗോപാലന്‍ എം.എല്‍.എ ഉദ്ഘാടനം ചെയ്തു. പി.കെ രതീഷ് അധ്യക്ഷനായി.
നഗരസഭാ ചെയര്‍മാന്‍ പ്രൊഫ.കെ.പി ജയരാജന്‍, ടി.കെ രവി, പി കുഞ്ഞിരാമന്‍, പി.പി മുഹമ്മദ്‌റാഫി, പി.കെ പ്രകാശന്‍, കെ രാഘവന്‍, പി രമേശന്‍, പി സുഭാഷ്, പി അനൂപ്, ടി.കെ അനീഷ് സംസാരിച്ചു. സി.പി.എം ജില്ലാ കമ്മിറ്റി അംഗം കെ ബാലകൃഷ്ണന്‍ സമ്മാനദാനം നടത്തി.