വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമിയുടെ കീഴിലുള്ള വിവിധ സ്ഥാപനങ്ങളിലേക്ക് അടുത്ത അധ്യയന വര്‍ഷത്തേക്കുള്ള അപേക്ഷകള്‍ സ്വീകരിച്ചു തുടങ്ങി. ഈ മാസം 30 വരെ അപേക്ഷകള്‍ സ്വീകരിക്കും.
എസ്.എസ്.എല്‍.സിയും മദ്‌റസ ഏഴാംതരവും പൂര്‍ത്തിയാക്കിയ ആണ്‍കുട്ടികള്‍ക്ക് യൂണിവേഴ്‌സിറ്റി ഡിഗ്രിയും, മതരംഗത്ത് പിജിയും നല്‍കുന്ന എട്ട് വര്‍ഷത്തെ വാഫി കേഴ്‌സ്, സ്‌കൂള്‍ ഏഴാം തരവും, മദ്‌റസ അഞ്ചാം തരവും പൂര്‍ത്തിയാക്കിയ ആണ്‍കുട്ടികള്‍ക്ക് മൂന്ന് വര്‍ഷംകൊണ്ട് ഖുര്‍ആന്‍ മനപാഠമാക്കുന്നതോടൊപ്പം എസ്.എസ്.എല്‍.സിയും നേടാന്‍ കഴിയുന്ന ഹിഫ്‌ളുല്‍ ഖുര്‍ആന്‍ കോഴ്‌സ്, എട്ടുവര്‍ഷം കൊണ്ട് യു.ജി.സി അംഗീകൃത ഡിഗ്രിയോടൊപ്പം മതരംഗത്ത് പട്ടിക്കാട് ജാമിഅയുടെ പി.ജിയിലേക്ക് പ്രാപ്തരാക്കുന്ന ജാമിഅ:ജൂനിയര്‍ കോഴ്‌സ് എന്നിവയാണ് താമസ സൗകര്യത്തോട് കൂടിയുള്ള സ്ഥാപനങ്ങള്‍.
എസ്.എസ്.എല്‍.സി പൂര്‍ത്തിയാക്കിയ പെണ്‍കുട്ടികള്‍ക്ക് യൂണിവേഴ്‌സിറ്റി ഡിഗ്രിയേടൊപ്പം അഞ്ച് വര്‍ഷംകൊണ്ട് മത രംഗത്തും പ്രാപ്തരാക്കുന്ന വനിതാ ഡേ കോളജിലേക്കും അപേക്ഷകള്‍ സ്വീകരിക്കാന്‍ തുടങ്ങിയിട്ടുണ്ട്. വാഫി-മെയ് നാല്, ഹിഫ്‌ളുല്‍ ഖുര്‍ആന്‍ ഏഴ്, സആദ ജൂനിയര്‍ 10 എന്നീ തീയതികളിലാണ് സെലക്ഷന്‍ പരീക്ഷകള്‍ നടക്കുക. അപേക്ഷാ ഫോമുകള്‍ വെങ്ങപ്പള്ളി അക്കാദമി ഓഫീസില്‍ നിന്നും നേരിട്ട് ലഭിക്കും. ഫോണ്‍: 9446648624, 9605238037.