തിരൂര്‍: പൊന്നാനി പാര്‍ലമെന്റ് മണ്ഡലത്തിലെ മുസ്‌ലിം ലീഗ് പ്രവര്‍ത്തകരുടെ സ്‌പെഷല്‍ കണ്‍വന്‍ഷന്‍ ഇന്ന് ഉച്ചയ്ക്കു രണ്ടിനു തിരൂര്‍ വാഗണ്‍ ട്രാജഡി ഹാളില്‍ നടക്കും.
കേരളത്തിലെ 20 പാര്‍ലമെന്റ് മണ്ഡലങ്ങളിലും ലോകസഭാ തെരഞ്ഞെടുപ്പിനു മുന്നോടിയായി പാര്‍ട്ടി നടത്തുന്ന സ്‌പെഷല്‍ കണ്‍വന്‍ഷനുകള്‍ക്കു തുടക്കമിട്ടാണ് പൊന്നാനിയില്‍ കണ്‍വന്‍ഷന്‍ സംഘടിപ്പിക്കുന്നത്.
സംസ്ഥാന അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. പി.കെ കുഞ്ഞാലിക്കുട്ടി എം.പി, പാണക്കാട് സയ്യിദ് സാദിഖലി ശിഹാബ് തങ്ങള്‍, ഇ.ടി മുഹമ്മദ് ബഷീര്‍ എം.പി, കെ.പി.എ മജീദ്, പി.വി അബ്ദുല്‍ വഹാബ് എം.പി, എം.പി അബ്ദുസ്സമദ് സമദാനി പങ്കെടുക്കും.