തലശ്ശേരി: നഗരത്തില്‍ നഗരസഭാ പരിസരം, സ്റ്റേഡിയം ഭാഗം എന്നിവടങ്ങളില്‍ തെരുവുനായുടെ കടിയേറ്റ് അഞ്ചുപേര്‍ക്ക് പരുക്ക്.
മുന്‍ നരസഭാകൗണ്‍സിലര്‍ നെട്ടൂരിലെ സദാനന്ദവില്ലയില്‍ എം.പി പ്രശാന്ത്(63), കൊളശ്ശേരി പാറക്കെട്ടില മീത്തലെപറമ്പത്ത് വീട്ടില്‍ നിഷാന്ത്(39), എരഞ്ഞോളി വാടിയില്‍പീടികയില്‍ കൊട്ടിയോടിപറമ്പത്ത് പ്രവീണ്‍(43), പാട്യത്തെ ചോയിക്കണ്ടിവീട്ടില്‍ രമ്യ(35), മാഹിയിലെ സിദ്ദീഖ് ഹൗസില്‍ റഫീഖ്(50)എന്നിവര്‍ക്കാണ് നായയുടെ അക്രമത്തില്‍ കാലിലും കൈക്കും സാരമായി പരുക്കേറ്റത്. ഇന്നലെ ഉച്ചയ്ക്കാണ് സംഭവം. പരുക്കേറ്റവര്‍ തലശ്ശേരി ജനറല്‍ ആശുപത്രിയില്‍ ചികിത്സതേടി. തലശ്ശേരി മേഖലയില്‍ നിരവധിപേരാണ് തെരുവ് നായയുടെ കടിയേറ്റ് അടുത്തിടെ ആശുപത്രിയില്‍ ചികിത്സതേടിയത്.