ചക്കരക്കല്‍: ചക്കരക്കല്‍ പൊലിസിനെതിരേ പരാതിയുമായി ചെമ്പിലോട് സ്‌കൂള്‍ വിദ്യാര്‍ഥികളും മാനേജ്‌മെന്റും രംഗത്ത്. വിദ്യാര്‍ഥികളെ ഭീഷണിപ്പെടുത്തിയാണ് പരാതി വാങ്ങിയതെന്നും വാഹനം തടഞ്ഞതിനെ തുടര്‍ന്ന് പഠനം തടസപ്പെടുത്തിയെന്നും ആരോപിച്ച് കുട്ടികള്‍ ഹെഡ്മാസ്റ്റര്‍ക്കും കണ്ണൂര്‍ ഡിവൈ.എസ്.പി പി.പി സദാനന്ദനും പരാതി നല്‍കി. കൂടാതെ സ്ഥലം എം.എല്‍.എയ്ക്കും വിദ്യാഭ്യാസ മന്ത്രിക്കും മുഖ്യമന്ത്രിക്കും സ്‌കൂള്‍ മാനേജ്‌മെന്റ് പരാതി അയച്ചിട്ടുണ്ട്. ചെമ്പിലോട് സ്‌കൂളിന്റെ ബസിനെ ഇടയ്ക്കിടെ പലയിടത്തും തടഞ്ഞുനിര്‍ത്തി ഇല്ലാത്ത കുറ്റം ചുമത്തുന്നത് ചക്കരക്കല്‍ പൊലിസിന്റെ പതിവാണെന്ന് മാനേജ്‌മെന്റ് ആരോപിച്ചു.