കാഞ്ഞങ്ങാട്: കാഞ്ഞങ്ങാട് വ്യവസായ ഓഫിസ് കെട്ടിടം ശോച്യാവസ്ഥയില്‍. ഈയിടെ പുരാവസ്തുവായി പ്രഖ്യാപിച്ച കാഞ്ഞങ്ങാട് താലൂക്ക് ഓഫിസ് കെട്ടിടത്തോളം തന്നെ പഴക്കമുള്ള ഒരു കൊച്ചു കെട്ടിടത്തിലാണ് വ്യവസായ ഓഫിസ് പ്രവര്‍ത്തിക്കുന്നത്. മുറികള്‍ പലതും ചോര്‍ന്നൊലിക്കുകയാണ്.
മാത്രമല്ല കെട്ടിടത്തിന്റെ ചുറ്റും കാട് മൂടി കിടക്കുന്നതിനാല്‍ ഇഴ ജന്തുക്കളുടെ ഭീഷണിയുമുണ്ട്. കനത്ത കാറ്റും മഴയും വരുമ്പോള്‍ ജീവനക്കാര്‍ ഭയപ്പാടോട് കൂടിയാണ് കഴിച്ചു കൂട്ടുന്നത്. വാതിലുകളും ജനലുകളും ദ്രവിച്ചു വീഴാറായിരിക്കുന്നു. കെട്ടിടത്തിനോടു ചേര്‍ന്നു ചാഞ്ഞു നില്‍ക്കുന്ന വന്‍ മരങ്ങളും മറ്റൊരു ഭീഷണിയാണ്.