ന്യൂഡല്‍ഹി: പ്രമുഖ സാമ്പത്തിക വിദഗ്ധന്‍ ജീന്‍ ഡ്രീസിനെ പൊലിസ് കസ്റ്റഡിയിലെടുത്തു. ജാര്‍ഖണ്ഡില്‍ പരിപാടിയില്‍ പങ്കെടുക്കവെയാണ് ജീന്‍ ഉള്‍പ്പെടെ മൂന്നുപേരെ പൊലിസ് കസ്റ്റഡിയിലെടുത്തത്.

അനുമതിയില്ലാതെ പരിപാടി നടത്തിയതിനാണ് കസ്റ്റഡിയിലെടുത്തതെന്ന് പൊലിസ് അറിയിച്ചു. പടിഞ്ഞാറന്‍ ജാര്‍ഖണ്ഡിലെ ഗാര്‍വയ്ക്കടുത്തുവെച്ചാണ് പൊലിസ് ഇവരെ കസ്റ്റഡിയിലെടുത്തത്. ചോദ്യം ചെയ്യലിന് ശേഷം ജീനിനെയും കൂടെ കസ്റ്റഡിയിലെടുത്ത രണ്ട് പേരെയും പൊലിസ് വിട്ടയച്ചു.

ഡല്‍ഹി സ്‌കൂള്‍ ഓഫ് എക്കണോമിക്‌സിലും റാഞ്ചി സര്‍വ്വകലാശാലയിലും അധ്യാപകനാണ് ജീന്‍. തൊഴിലുറപ്പ് പദ്ധതി എന്ന ആശയം ആദ്യം അവതരിപ്പിച്ചതും അദ്ദേഹമാണ്.

ജീനിന്റെ കസ്റ്റഡിയില്‍ ആശങ്കയുണ്ടെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി പറഞ്ഞു.