പേരാമ്പ്ര: ബസ് സ്റ്റാന്‍ഡ് പരിസരത്തെ സി.ഐ.ടി.യു ഏരിയാ കമ്മിറ്റി ഓഫിസിനു നേരെ കല്ലേറ്. ഇന്നലെ പുലര്‍ച്ചെ രണ്ടരയോടെയാണ് സംഭവം. കല്ലേറില്‍ ഓഫിസിന്റെ ഗ്ലാസുകള്‍ തകര്‍ന്നു. ബൈക്കിലെത്തിയ സംഘമാണ് അക്രമം നടത്തിയത്. ശബ്ദംകേട്ട് ഓട്ടോഡ്രൈവര്‍ ഓടിയെത്തിയെങ്കിലും അക്രമികള്‍ ഓടി രക്ഷപ്പെട്ടു.പേരാമ്പ്ര സി.ഐ സുനില്‍ കുമാറിന്റെ നേതൃത്വത്തില്‍ പൊലിസ് സ്ഥലത്തെത്തി അന്വേഷണം നടത്തി. സി.ഐ.ടി.യു ജില്ലാ പ്രസിഡന്റ് വി.പി ഉണ്ണികൃഷ്ണന്‍, സി.പി.ഐ.എം ജില്ലാ കമ്മിറ്റി അംഗം എ.കെ പദ്മനാഭന്‍ മാസ്റ്റര്‍ എന്നിവര്‍ ഓഫിസ് സന്ദര്‍ശിച്ചു.